P. S. Todakar. Highschool Wakare

 हिंदी दिवस उत्साहात संपन्न  पैलवान शंकर तोडकर हायस्कूल वाकरे येथे हिंदी दिवस मोठ्या उत्साहात संपन्न झाला. याप्रसंगी प्रमुख पाहुणे म्हणून बोलताना शाळेचे माजी हिंदी शिक्षक आर के कांबळे यांनी हिंदी ही भारताची राजभाषा असून भाषा जोडण्याचे काम करते तोडण्याचे नाही त्यामुळे प्रत्येक भाषेचा सन्मान करणे गरजेचे असल्याचे सांगितले.  कार्यक्रमाचे प्रास्ताविक सहाय्यक शिक्षक यांनी केले तर स्वागत एस पी पाटील यांनी केले. प्रशालेचे मुख्याध्यापक डॉक्टर बी बी पाटील होते. आभार यांनी मानले. कार्यक्रमाला शाळेच्या विद्यार्थी विद्यार्थिनी उपस्थित होत्या.

 शालेय विद्यार्थ्यांसाठी आरोग्य तपासणी संपन्न.  राष्ट्रीय बाल स्वास्थ्य कार्यक्रम, ग्रामीण रुग्णालय खुपिरे पथक क्रमांक चार यांच्यावतीने शाळेतील सर्व विद्यार्थ्यांचे वैद्यकीय तपासणी करण्यात आली. तपासणीसाठी वैद्यकीय अधिकारी डॉक्टर श्रद्धा पाटील व डॉक्टर शरद तावडे यांनी सहकार्य केले. तसेच शीतल पाटील गीता मॅडम यांचे सहकार्य लाभले. वैद्यकीय अधिकारी यांनी विद्यार्थ्यांच्या आरोग्याबाबत विद्यार्थ्यांना मार्गदर्शन केले तसेच संदर्भीय सेवेसाठी आठ आठ विद्यार्थ्यांना सूचना देण्यात आल्या.

 शालेय विद्यार्थ्यांसाठी एड्स  संवेदीकरण कार्यशाळा संपन्न  11/09/2025 जिल्हा एड्स नियंत्रण व प्रतिबंधक विभाग ग्रामीण रुग्णालय यांच्या वतीने पैलवान शंकर तोडकर हायस्कूल वाकरे येथे शालेय विद्यार्थ्यांसाठी संवेदीकरण कार्यशाळा संपन्न झाली. सदर कार्यशाळेला समुपदेशक महेश्वरी पाटील यांनी मार्गदर्शन केले. त्यांनी एड्स रोगाविषयी माहिती देऊन त्याची लागण व दक्षता त्याबाबत माहिती दिली . याप्रसंगी ग्रामीण रुग्णालय खुपिरे येथील प्रयोगशाळा तंत्रज्ञ सतीश पिसाळ यांनी विद्यार्थ्यांना मार्गदर्शन केले.  कार्यक्रमाचे प्रास्ताविक शाळेची ज्येष्ठ शिक्षक गजानन लवटे यांनी केले तर स्वागत सहाय्यक शिक्षक पाटील यांनी केले. कार्यक्रमाचे अध्यक्षस्थानी मुख्याध्यापक बीबी पाटील होते तर आभार डीएस मोरे यांनी मानले. कार्यक्रमाला शाळेतील विद्यार्थी विद्यार्थिनी उपस्थित होत्या

 पै.शंकर तोडकर हायस्कूल वाकरे येथे झिम्मा फुगाडी स्पर्धा उत्साहात संपन्न झाल्या  दिनांक 09/09.2025 पैलवान शंकरतोडकर हायस्कूल वाकरे येथे शालेय अंतर्गत झिम्मा फुगडी स्पर्धा पार पडल्या. इयत्ता आठवी नववी दहावी प्रत्येक वर्गातील एका संघाने या स्पर्धेमध्ये आपला सहभाग नोंदवला.  सदर स्पर्धेमध्ये इयत्ता नववीच्या विद्यार्थ्यांचा प्रथम तर इयत्ता दहावीच्या विद्यार्थ्यांनी चा द्वितीय तर इयत्ता आठवीच्या विद्यार्थ्यांचा तृतीय क्रमांक आला.  स्पर्धेसाठी पंच म्हणून मंगल पाटील, रोहिणी सुतार मॅडम, बिरंजे  मॅडम  वसोनाली  धतुरे मॅडम  यांनी काम पाहिले.

 शिक्षक दिन उत्साहात संपन्न दिनांक 4/ 9/2025 पै.शंकर तोडकर हायस्कूल वाकरे येथे शिक्षक दिन उत्साहात संपन्न झाला. या प्रसंगी बोलताना मुख्याध्यापक बी बी पातील यांनी उप राष्ट्रपती सर्वांपल्ली राधाकृष्णन यांच्या जीवन कार्याची माहिती दिली.शाळेतील विद्यार्थ्यानी एक दिवस शाळा चालवली. 

 शाश्वत आरोग्यासाठी पर्यावरणाची जपणूक सण व संस्कृतीच्या माध्यमातून होणे गरजेचे असल्याचे प्रतिपादन डॉक्टर बी बी पाटील यांनी केले. ते पैलवान शंकर तोडकर स्कूल वाकरे व पर्यावरण क्लब यांच्या वतीने आयोजित पर्यावरण पूरक गणेश उत्सव या विषयावर मार्गदर्शन करत होते.  सन हा भारतीय संस्कृतीचा गाभा असून रूढी व परंपरा जपणे गरजेचे आहे पण त्याहीपेक्षा पुढील पिढ्यांसाठी पर्यावरणाची जपणूक अत्यंत महत्त्वाची आहे. प्लास्टिक चा वापर, रंगासाठी विविध रसायनांचा वापर, ध्वनी प्रदूषण, जलप्रदूषण, वायु प्रदूषण यासारख्या असंख्य बाबी आज मानवी आरोग्यावर खूप मोठा परिणाम करत आहेत त्यामुळे पर्यावरण पूरक सण साजरे करणे महत्त्वाचे आहे असे त्यांनी सांगितले. कार्यक्रमाचे प्रास्ताविक ज्येष्ठ शिक्षक जी डी लवटे यांनी केले तर आभार एस पी पाटील यांनी मानले. कार्यक्रमाला डी एस मोरे, सो एस ए बिरजे, डी एच शिंदे आधी उपस्थित होते.