P. S. Todakar. Highschool Wakare

 शाश्वत आरोग्यासाठी पर्यावरणाची जपणूक सण व संस्कृतीच्या माध्यमातून होणे गरजेचे असल्याचे प्रतिपादन डॉक्टर बी बी पाटील यांनी केले. ते पैलवान शंकर तोडकर स्कूल वाकरे व पर्यावरण क्लब यांच्या वतीने आयोजित पर्यावरण पूरक गणेश उत्सव या विषयावर मार्गदर्शन करत होते.  सन हा भारतीय संस्कृतीचा गाभा असून रूढी व परंपरा जपणे गरजेचे आहे पण त्याहीपेक्षा पुढील पिढ्यांसाठी पर्यावरणाची जपणूक अत्यंत महत्त्वाची आहे. प्लास्टिक चा वापर, रंगासाठी विविध रसायनांचा वापर, ध्वनी प्रदूषण, जलप्रदूषण, वायु प्रदूषण यासारख्या असंख्य बाबी आज मानवी आरोग्यावर खूप मोठा परिणाम करत आहेत त्यामुळे पर्यावरण पूरक सण साजरे करणे महत्त्वाचे आहे असे त्यांनी सांगितले. कार्यक्रमाचे प्रास्ताविक ज्येष्ठ शिक्षक जी डी लवटे यांनी केले तर आभार एस पी पाटील यांनी मानले. कार्यक्रमाला डी एस मोरे, सो एस ए बिरजे, डी एच शिंदे आधी उपस्थित होते.

गणेश उत्सव पर्यावरण पूरक रीतीने साजरा करण्यासाठी पैलवान शंकर तोडकर हायस्कूल व पर्यावरण मंडळ यांच्या वतीने आवाहन 

 उमेद फाउंडेशन यांच्यावतीने शाळेतील विद्यार्थ्यांना शैक्षणिक साहित्याचे वाटप  दिनांक 26 ऑगस्ट 2025  उमेद फाउंडेशन सांगरूळ यांच्यावतीने शाळेतील विद्यार्थ्यांना शैक्षणिक साहित्याचे वाटप करण्यात आले. गरजू विद्यार्थ्यांना शैक्षणिक साहित्य पुरवण्यात आली यामध्ये स्कूल बॅग वह्या व इतर शालोपयोगी साहित्याचा समावेश होता. सदर कार्यक्रमांमध्ये फाउंडेशनच्या वतीने सचिन बगाडे यांनी फाउंडेशन राबवत असलेल्या विविध सामाजिक उपक्रमांची माहिती दिली तसेच परिसरातील विद्यार्थ्यांना शैक्षणिक सुविधा पुरवण्यासाठी फाउंडेशन मदत करत असल्याची सांगितले. कार्यक्रमाचे प्रास्ताविक जीडी लवटे यांनी केले तर आभार डीएस मोरे यांनी मानले.

 पैलवान शंकर तोडकर हायस्कूल वाकरे पालक सभा उत्साहात संपन्न  दिनांक 25 ऑगस्ट 2025 पैलवान शंकर तोडकर हायस्कूल येथे पालक मेळावा संपन्न झाला. सदर पालक मेळावा मध्ये विद्यार्थ्यांच्या सर्वांगीण विकासासाठी विविध उपक्रमावर चर्चा झाली तसेच विद्यार्थ्यांच्या सुरक्षा उपयोजनांची माहिती शाळेच्या वतीने पालकांना देण्यात आली. शाळेतील विविध समित्या, CCTV, तक्रार पेटी, चाइल्ड हेल्पलाइन व यासंबंधीचे ॲप याविषयी पालकांना माहिती देण्यात आली.  पालकांच्या कडून विद्यार्थ्यांच्या प्रगतीसाठी विविध प्रश्न विचारण्यात आले व शाळेकडून राबवण्यात येत असलेल्या उपक्रमाबद्दल माहिती देण्यात आली. सभेच्या शेवटी शाळेचे मुख्याध्यापक बी बी पाटील सर यांनी पालकांना विविध समित्यांमध्ये आपले योगदान द्यावे असे आवाहन करून मुलांच्या प्रगतीसाठी शाळा व पालक आणि समाज यांच्या माध्यमातून विविध उपक्रम राबवून प्रयत्न करू असे सांगितले. कार्यक्रमाचे प्रास्ताविक जी डी लवटे यांनी केले तर आभार एस पी पाटील यांनी मांडले. त्याचबरोबर परीक्षा झाल्यानंतर पालक भेट घेण्याचे ठरले.

 सहाय्यक शिक्षक एस पी पाटील यांची कोजीमाशी पतसंस्थेच्या शाखा संचालक पदी निवड झाल्याबद्दल शाळेच्या वतीने सत्कार दिनांक १९ ऑगस्ट २०२५  शाळेचे सहाय्यक शिक्षक एस पी पाटील यांची कोल्हापूर जिल्हा माध्यमिक शिक्षक शिक्षकेतर कर्मचारी पतसंस्थेच्या कोपर्डे शाखेच्या संचालक पदी निवड झाल्याबद्दल शाळेच्या वतीने मुख्याध्यापक बी बी पाटील यांच्या हस्ते सत्कार करण्यात आला. याप्रसंगी शाळेतील सर्व शिक्षक शिक्षकेतर कर्मचारी व विद्यार्थी उपस्थित होते.

शाळेचा माजी विद्यार्थी प्रवीण  सातपुते याची  पवित्र पोर्टल मधून  शिक्षक पदी निवड झाल्याबद्दल शाळेच्या वतीने सत्कार दिनांक १९ ऑगस्ट २०२५  आमच्या शाळेचा माजी विद्यार्थी प्रवीण जोतीराम सातपुते यांची पवित्र पोर्टल मधून सांगरुळ शिक्षण संस्थेमध्ये सहाय्यक शिक्षक म्हणून निवड झाल्याबद्दल त्यांचा मुख्याध्यापक डॉ. बी बी पाटील यांच्या हस्ते सत्कार केला .यावेळी शाळेतील सर्व शिक्षक शिक्षकेतर कर्मचारी विद्यार्थी विद्यार्थिनी उपस्थित होते .

 शाळेची माजी विद्यार्थिनी स्नेहल करपे हिने शिवाजी विद्यापीठाची डॉक्टरेट मिळवल्याबद्दल शाळेच्या वतीने सत्कार. दिनांक १८ ऑगस्ट २०२५  शाळेची माजी विद्यार्थिनी कु.स्नेहल महादेव करपे हिने शिवाजी विद्यापीठाची पीएचडी पदवी संपादन केल्याबद्दल .त्यांचा मुख्याध्यापक डॉ. बी बी पाटील यांच्या हस्ते सत्कार केला .यावेळी शाळेतील सर्व शिक्षक शिक्षकेतर कर्मचारी विद्यार्थी विद्यार्थिनी उपस्थित होते .

 स्वातंत्र्य दिनानिमित्त विद्यार्थ्यांनी सादर केली कवायत दिनांक १५ ऑगस्टब २०२५  स्वातंत्र्य दिनानिमित्त शाळेमध्ये आयोजित ध्वजारोहण समारंभामध्ये ध्वजारोहणानंतर विद्यार्थ्यांनी सामूहिक कवायत सादर केली. कवायतीचे विविध प्रकार सादर केले.

 स्वातंत्र्य दिनानिमित्त शिवाजीराव तोडकर यांच्या हस्ते ध्वजारोहण संपन्न दिनांक १५ ऑगस्ट २०२५ भारतीय स्वातंत्र्याचा ७९ वा स्वातंत्र्य दिन व अमृत महोत्सवी वर्षानिमित्त अति वोटर साहेबांनी बोलवून आलो शुक्रवार  दिनांक १५ ऑगस्ट २०२५ रोजी  आमच्या शाळेत ध्वजारोहण श्री जोतिर्लिंग शिक्षण संस्थेचे सचिव शिवाजी तोडकर  यांच्या हस्ते केले .यावेळी संस्थेचे अध्यक्ष उपाध्यक्ष व संचालक श्री दत्त दूध संस्थेचे चेअरमन व्हाईस चेअरमन व सर्व संचालक शाळेतील सर्व शिक्षक शिक्षकेतर कर्मचारी विद्यार्थी विद्यार्थिनी उपस्थित होते .

 सा. शिक्षक गजानन लव्हटे यांच्या हस्ते ध्वजारोहण व सामुहिक पसायदान  पठण संपन्न दिनांक १४ ऑगस्ट भारतीय स्वातंत्र्याचा ७९ वा स्वातंत्र्य दिन व अमृत महोत्सवी वर्षानिमित्त अति वोटर साहेबांनी बोलवून आलो गुरुवार दिनांक १४ ऑगस्ट २०२५ रोजी  आमच्या शाळेत ध्वजारोहण शाळेचे सहाय्यक शिक्षक जी डी लव्हटे यांच्या हस्ते केले .यावेळी मुख्याध्यापक डॉ बी बी पाटील व शाळेतील सर्व शिक्षक शिक्षकेतर कर्मचारी विद्यार्थी विद्यार्थिनी उपस्थित होते . दिनांक १४ ऑगस्ट २०२५  2025 हे संतश्रेष्ठ ज्ञानेश्वर महाराज यांचे सप्तशतकोत्तर सुवर्ण महोत्सवी जयंती वर्ष आहे त्यानिमित्त ज्ञानेश्वर महाराज यांच्या 750 व्या जयंतीच्या अनुषंगाने दिनांक 14 ऑगस्ट 2025 रोजी शाळेमध्ये पसायदान म्हणण्यात आले. या उपक्रमामध्ये शाळेतील सर्व विद्यार्थ्यांनी भाग घेतला व सामूहिकपणे पसायदान म्हणण्यात आले.

 मुख्याध्यापक बी बी पाटील यांच्या हस्ते ध्वजारोहण संपन्न दिनक १३ ऑगस्ट २०२५  भारतीय स्वातंत्र्याचा ७९ वा स्वातंत्र्य दिन व अमृत महोत्सवी वर्षानिमित्त बुधवार दिनांक १३ ऑगस्ट २०२५ रोजी  आमच्या शाळेत ध्वजारोहण शाळेचे मुख्याध्यापक डॉ. बी बी पाटील यांच्या हस्ते केले .यावेळी शाळेतील सर्व शिक्षक शिक्षकेतर कर्मचारी विद्यार्थी विद्यार्थिनी उपस्थित होते .

 भारतीय स्वातंत्र्याचा ७९ वा स्वातंत्र्य दिन व अमृत महोत्सवी वर्षानिमित्त आमच्या शाळेच्या विद्यार्थ्यांनी गावातील प्रमुख मार्गावरून रॅली काढून काढून जनजागृती केली. दिनांक १२ ऑगस्ट २०२५  आजादी का अमृत महोत्सव अंतर्गत हर घर तिरंगा या उपक्रमा अंतर्गत शाळेतील विद्यार्थ्यांनी गावातील प्रमुख मार्गावरून तिरंगा रॅली काढली . याप्रसंगी विद्यार्थ्यांनी देशभक्तीपर घोषणा देऊन हातामध्ये तिरंगी झेंडे घेऊन रॅलीमध्ये आपला सहभाग नोंदवला.

 हर घर तिरंगा उपक्रमांतर्गत विद्यार्थ्यांना ऑनलाईन प्रेझेंटेशन ऑनलाइन प्रेझेंटेशन दाखवण्यात आले दिनांक ०८ ऑगस्ट२०२५  आजादी का अमृत महोत्सव अंतर्गत हर घर तिरंगा या संकेतस्थळावरील प्रेझेंटेशन विद्यार्थ्यांना दाखवण्यात आले. भारतीय तिरंगा विषयी जनजागृती करण्यात आली. त्याचबरोबर ध्वज संहिता बद्दल माहिती शाळेचे सहाय्यक शिक्षक श्री गजानन लवटे यांनी दिली.

 हर घर तिरंगा उपक्रमांतर्गत शाळेमध्ये तिरंगा रांगोळी स्पर्धा संपन्न दिनांक ०७ ऑगस्ट२०२५ भारतीय स्वातंत्र्याच्या 79 व्या स्वातंत्र्य दिनानिमित्त तसेच भारतीय स्वातंत्र्याच्या अमृत महोत्सवानिमित्त हर घर तिरंगा उपक्रम अंतर्गत शाळेमध्ये तिरंगा रांगोळी स्पर्धा घेण्यात आली. सदर स्पर्धेसाठी शाळेतील विद्यार्थ्यांनी उत्स्फूर्तपणे प्रतिसाद नोंदवला व भारतीय तिरंग्यावरती आपले प्रेम व्यक्त केले.

       कृतज्ञता म्हणून सीमेवरील जवानांसाठी राख्या तयार करणे व पाठवणे दिनांक ०६ ऑगस्ट २०२५ 🏵️ एक राखी सीमेवरील जवानांसाठी 🏵️    पैलवान शंकर तोडकर हायस्कूल वाकरे यांच्यावतीने   एक राखी सीमेवरील जवानांसाठी हा उपक्रम घेण्यात आला. यासाठी शाळेमध्ये राखी निर्मिती कार्यशाळा घेण्यात आली. या कार्यशाळेमधून बनवण्यात आलेल्या राख्या सीमेवरील जवानांसाठी कोल्हापूर येथील मराठा लाईफ इन्फंट्री यांच्याकडे सोपवण्यात आल्या.  देशासाठी लढणाऱ्या जवानांसाठी कृतज्ञता म्हणून विद्यार्थ्यांनी या उपक्रमांमध्ये उत्स्फूर्त सहभाग नोंदवला. 🌸🌸🌸🌸🌸

 कार्यानुभव कार्यशाळा संपन्न -पै.शंकर तोडकर हायस्कूल वाकरे  दिनांक 06 .08.2025 पै.शंकर तोडकर हायस्कूल वाकरे येथे विद्यार्थ्यांच्यासाठी कार्यानुभव कार्यशाळा आयोजित करण्यत आली. कागदा पासून व विविध टाकाऊ वस्तूपासून विविध कलाकृती व वस्तु  तयार करण्याचे प्रात्यक्षिक करून दाखवण्यत आले. शाळेतील विद्यार्थ्यानी या कार्यशाळेचा  लाभ घेतला. 

 आनंददायी शनिवार उपक्रमांतर्गत विद्यार्थ्यांना बँकिंग व्यवहाराची माहिती व्हावी या उद्देशाने ज्योतिर्लिंग नागरी सहकारी पतसंस्था वाकरे या पतसंस्थेला भेट ०२ ऑगस्ट २०२५ पै.शंकर तोडकर हायस्कूल  वाकरे  यांच्यावतीने आनंददायी शनिवार उपक्रमांतर्गत विद्यार्थ्यांना बँकिंग व्यवहाराची माहिती व्हावी या उद्देशाने ज्योतिर्लिंग नागरी सहकारी पतसंस्था वाकरे या पतसंस्थेला भेट दिली तेथील व्यवस्थापक पांडुरंग बिरंजे व सुरेश तोडकर यांनी बँकिंग व्यवहाराची माहिती विद्यार्थ्यांना दिली याप्रसंगी संस्थेचे उपाध्यक्ष हिंदुराव पाटील व डी.एस मोरे व पतसंस्थेचे  कर्मचारी उपस्थित होते. 

 मुलींसाठी कुमारवयीन जीवन कौशल्ये आणि आहार कार्यशाळा संपन्न  ०१.०८.२०२५ तोडकर संजीवनी हॉस्पिटल गंगावेस कोल्हापूर व पैलवान शंकर तोडकर हायस्कूल वाकरे यांच्या वतीने किशोरवयीन मुलींच्यासाठी जीवन कौशल्य व आहार मार्गदर्शन कार्यशाळा आयोजित केली होती .यावेळी हॉस्पिटलच्या वतीने सुरेखा पडवळ व प्रियांका चव्हाण यांनी विद्यार्थिनींना किशोरवयीन वयामध्ये होणारे शरीरातील बदल व त्याचे व्यवस्थापन, मानसिक ताणाचे व्यवस्थापन व या काळात घ्यावयाचा योग्य आहार याबाबत मार्गदर्शन केले

 अण्णाभाऊ साठे जयंती साजरी दिनांक ०१.०१.२०२५  पै शंकर तोडकर हायस्कूल वाकरे लोकमान्य टिळक पुण्यतिथी व अण्णाभाऊ साठे जयंती साजरी  दिनांक ०१.०८.२०२५ आज पै शंकर तोडकर हायस्कूल वाकरे येथे लोकमान्य टिळक पुण्यतिथी व अण्णाभाऊ साठे जयंती मोठ्या उत्साहात साजरी करण्यात आली  लोकमान्य टिळक व अण्णाभाऊ साठे यांच्या प्रतिमेचे पूजन शाळेचे मुख्याध्यापक माननीय बी पाटील सर यांच्या हस्ते करण्यात आले त्यांनी आपल्या भाषणात लोकमान्य टिळक यांचे स्वातंत्र्य लढ्यासाठी दिलेले योगदान विशद केले तसेच लोकशाहीर अण्णाभाऊ साठे यांच्या जीवन कार्याचा आढावा घेतला. यावेळी विद्यार्थ्यांना अण्णाभाऊ साठे रचित माझी मैना गावाकड राहिली या काव्याच्या व्हिदिओ दाखवण्यात आला. कार्यक्रमासाठी सर्व शिक्षक शिक्षकेतर कर्मचारी व विद्यार्थी विद्यार्थिनी उपस्थित होते प्रास्ताविक जी.डी. लव्हटे सर यांनी केले तर आभार एस पी पाटील सर यांनी मानले

 भूकंप आणि सुनामी बाबत विद्यार्थ्याना माहिती   ३१.०७.२०२५  ३० जुलै रोजी पसिफिक समुद्रात भूकंप होऊन सुनामी आली.त्याच्या अनुषंगाने भूकंप का होतात व त्यातून भूगर्भातील होणार्या हालचाली व त्याचे होणारे परिणाम याबाबत विद्यार्थ्यांना शाळेचे मुख्याध्यापक डॉ. बी बी पाटील यांनी माहिती दिली. यावेळी २०११ साली जपान मध्ये आलेल्या सुनामीचे व्हिदिओ विद्यार्थ्यांना दाखवण्यात आले.